Вечерва постои голема веројатност поларната светлина да биде видлива од Балканот, информираат од Астрономското друштво Бескрај.
Имено, се предвидува ново исфрлање од Сонцето, соларна бура од категоријата G4, која е еднаква или посилна од спектакуларната поларна светлина која имавме можност да ја видиме во мај. Поларната светлина може да биде видлива на невообичаено ниски географски широчини, вклучувајќи делови од централна, па дури и јужна Европа.
Облачноста и дополнителното влошување на времето ќе го отежнат, но можно е небото да биде ведро.