Ако денешниот ден (недела, 11 јануари) планиравте да го искористите за панорамско возење до врвот на Водно, ќе мора да ги промените плановите. ЈСП Скопје утрово соопшти дека Жичницата е привремено затворена.
Причината за прекинот се лошите временски услови, поточно силниот ветер кој дува на планината.
Се вчитува...
Од ЈСП појаснуваат дека јачината на ветерот во моментов ги надминува дозволените граници за безбедно функционирање на објектот.
„Надлежните служби ја следат состојбата на терен и во оној момент кога ќе се создадат соодветни временски услови за работа, жичницата ќе продолжи со непречено превезување на патниците“, информираат од претпријатието.
