Попладнево делови од Скопје беа погодени од краткотрајно, но интензивно невреме проследено со град со големина на лешник.
Невремето беше проследено со пороен дожд и засилен ветер, а граѓаните на социјалните мрежи споделија фотографии и видеа од улици, автомобили и дворови покриени со мраз.
Невремето предизвика оштетувања на зеленилото, како и мали материјални штети на возила.
Засега нема информации за повредени лица или посериозни последици.
Метеоролозите најавуваат нестабилно време и во текот на вечерта, со можност за нови локални врнежи и грмежи. Граѓаните се повикуваат на зголемена претпазливост.