Авион на Precision Air се урна во езерото Викторија во Танзанија додека се обидуваше да слета на аеродромот Букоба, објави Танзанија радиодифузна корпорација.
ТРК соопшти дека досега се спасени 15 лица, но дека не се знае колку патници имало во авионот и дали има загинати.
Авионот полетал од главниот град Дар ес Салам и „утрово се урна во езерото Викторија поради невреме и обилни дождови“, соопшти TРК. Аеродромот Букоба се наоѓа на брегот на езерото Викторија, најголемото во Африка.
Precision Air flight plunges into Lake Victoria when landing at Bukoba Airport in Tanzania, authorities say rescue operations underway
🎥: Courtesy pic.twitter.com/WJLYfGeVjw
— Citizen TV Kenya (@citizentvkenya) November 6, 2022
Распоредени се чамци за спасување, а службите за итни случаи продолжуваат да ги спасуваат другите патници заробени во авионот, додаде TРК.
Precision Air е најголемата авиокомпанија во Танзанија во приватна сопственост.
