Шумски пожар во Њу Џерси, САД, зафатил површина од 3.200 акри и довел до евакуација на неколку илјади жители, соопшти локалната Служба за шумски пожари.
Во објава на службата на „X“ е наведено дека пожарот ги зафатил општините Оушен и Лејси, додека АП јавува дека до вторник вечерта само 10% од пожарот бил ставен под контрола, повикувајќи се на противпожарната служба на Њу Џерси.
The Jones Fire burning in Ocean county, New Jersey has grown to 3,200 acres. Over 3,000 residents have been evacuated and 1,200 structures are threatened according to fire officials.
— The Hotshot Wake Up (@HotshotWake) April 23, 2025
A massive resource response is still underway including heavy equipment, crews, aviation, and… pic.twitter.com/X9jKBvGh8G
Локалната жителка Деби Шафер изјавила за АП дека околу нејзината куќа во Веартаун „е како во воена зона“, со чад, сирени и бучење на хеликоптери. Пожарот претставува закана за околу 1.300 објекти, а наредена е задолжителна евакуација за 3.000 жители. АП наведува дека пожарот се шири во близина на фарма со алпаки, но од таму велат дека имотот не е загрозен и дека животните се безбедни.
Сателитската библиотека CIRA наведува дека пожарот во Њу Џерси брзо се проширил.
Профилот на „X“ Hotshot наведува дека во Њу Џерси владее „целосен хаос“ додека огнот се шири низ населените места.
A wildfire ignites and rapidly grows in size in New Jersey. pic.twitter.com/gHyL3jLabr
— CIRA (@CIRA_CSU) April 22, 2025
„Пожарот последен пат беше проценет на 3.200 хектари. Ова е неверојатно однесување на пожар за Њу Џерси или каде било на друго место. Среќно на сите кои се таму и се обидуваат да се справат со тоа. Ова е просто лудо“, стои во објавата.
Би-Би-Си пишува дека се затворени неколку главни автопати долж патеката на пожарот и дека засега нема пријавени жртви.
Во тек е истрага за причината на пожарот, кој е втор голем шумски пожар во регионот за помалку од една недела, наведува АП.
