Снимките од надзорните камери го прикажуваат моментот кога земјата ненадејно се срушила, создавајќи кратер длабок околу 15 метри, поради што целата бензинска пумпа исчезнала под земја.
Во Каиро, во понеделникот, се отвори огромна дупка во земјата, која ја проголта бензинската пумпа заедно со купувачите кои во тој момент се наоѓале на неа.
Додека некои шокирани минувачи трчале кон работ на дупката за да видат што се случило, други во паника побегнале од местото на несреќата.
Според локалните медиуми, во инцидентот се повредени две лица, кои итно се префрлени во болница, каде што се во стабилна состојба.
Првите истраги упатуваат дека причината за пропаѓањето на земјата можеле да бидат ископувања на блиското градилиште, кои ја дестабилизирале почвата. Надлежните служби спроведуваат понатамошна истрага за да ги утврдат точните околности на несреќата, пишува Independent.
Ова е веќе втор инцидент со појава на кратер во Каиро за помалку од два месеца, што повторно отвори прашања за безбедноста на градбата и надзорот на инфраструктурните работи во египетската престолнина.
