Саманта Бирд стана вирална на Тик Ток откако објави видео во кое објаснува зошто бара од своите мали синови да плаќаат кирија, храна и комунални услуги. Таа го објави видеото пред три дена, а веќе е прегледано повеќе од четири милиони пати.
Во видеото, Бирд истакнува дека има добра причина зад оваа одлука: таа и нејзиниот сопруг сакаат да ги научат своите синови за важноста на парите. Секоја недела нејзините синови, на возраст од шест, седум и девет години, добиваат по шест долари џепарлак. Потоа, на почетокот на секој месец таа и нејзиниот сопруг бараат од синовите да „платат“ еден долар за кирија, еден за комуналии и еден за намирници, а останатите пари ги трошат како што сакаат.
@samanthabirdshiloh We increased the boys allowance to accommodate them paying “mock” bills. I want them to have a sense of responsibility and learn how to manage expenses in a safe environment now! #budgeting #finacialfreedom #parenting #kidstiktok #kidsoftiktok #kidspersonalfinance #financetiktok #moneytips #debtpayoff #debtfree #debtfreejourney #debtfreecommunity #investingforkids #investing #personalfinancetips #moneymindset #moneymanifestation ♬ original sound – Samantha Bird
За да можат да ги следат нивните трошоци, Бирд направи табела во која запишуваат колку пари имаат и на што ги потрошиле, се за да можат да научат како трошат пари и сметки во безбедна средина.
Ова вирално видео предизвика вистинска дебата во коментарите. Некои мислат дека идејата е генијална, додека други не гледаат ништо добро во овој метод на образование.
„Отпрвин мислев дека ова е тотално лудо, но откако го погледнав целото видео, мислам дека е одлична идеја“, „Нема потреба за ова. Училиштето ќе ги научи се што треба да знаат за управување со пари“, „Мислам дека тие се премали за ова. Ќе ги научиш да бидат премногу фокусирани на пари и да се нервираат кога ги немаат“, „Посакувам моите родители да се грижат толку многу да ме научат како да управувам со парите“, „Ми се допаѓа оваа идеја “, се дел од коментарите под видеото.
