Лука Модриќ денеска за последен пат играше на „Сантијаго Бернабеу“ за Реал Мадрид во победата над Реал Сосиедад (2-0) во последната рунда од Ла Лига.
Хрватската фудбалска легенда беше заменета пред крајот на натпреварот, што беше совршен момент стадионот да се издигне и да му оддаде почит. Публиката го поздрави со долготраен аплауз, фудбалерите на двете екипи му направија шпалир, а покрај теренот беа неговото семејство и долгогодишниот партнер од средниот ред – Тони Крос.
Иако Модриќ долго време се обидуваше да остане присебен, на крајот не можеше да ги задржи емоциите. Заплака покрај аут линијата, обземен од атмосферата на збогување со стадионот кој му беше втор дом.
Modrić received a guard of honour from Real Madrid and Real Sociedad 👏pic.twitter.com/E6LXryGIdo
— Croatian Football (@CroatiaFooty) May 24, 2025
