Попладнево жителите на улицата Финска излегоа на мирен протест, изразувајќи незадоволство од, како што велат, повеќегодишно самоволие и нарушување на јавниот ред и мир од страна на едно лице – Синан Хасани.
Според граѓаните, проблемите траат подолг период и вклучуваат поставување камери насочени кон приватни имоти, прекини на канализација, прскања со штетни материи во дворовите, како и закани и навреди.
„По втор пат денеска излеговме на мирен протест со цел да апелираме дека живееме во опасност. Сите ние овде имаме проблем со истиот нечовек,“ изјавија граѓаните.
Протестот помина мирно, а жителите носеа плакати со пораки: „Институциите не си ја вршат работата“, „не дозволуваме децата да ни бидат под видеонадзор на комшиските камери“ и други.
Жителите најавија дека доколку институциите повторно не реагираат, ќе продолжат со протести сè додека не се реши проблемот и не се врати нормалниот соживот во нивната улица.
Читај и ова:
- 1.Новото поглавје започнува: Tessa Group
- 2.Подгответе се: Еве што се треба да знаете по воведувањето на Системот за влез/излез од ЕУ!
- 3.Дубаи „хистеријата“ сега е многу повеќе од чоколада
- 4.Отворена истрага во РЕК Битола – осум лица и една фирма под сомнение за злоупотреба на јавни набавки и измама од 106 милиони денари
- 5.Ава Карабатиќ се сели во Швајцарија, планира да работи како негувателка во дом за стари лица
