Две несреќи се случија во Италија поради невреме што зафати делови од земјата, по што се урна кран во Рим и потпорен ѕид во Џенова, но засега нема информации за повредени, јавија денеска италијанските медиуми.
Кран се урна врз зграда во Рим, но нема повредени, јави јавниот сервис Раи.
Frana di via 5 Santi, Ridotto da 18 a 7 (di cui 3 bambini) il numero degli sfollati- LE IMMAGINI DAL DRONE https://t.co/7oQRgfvRoA
— GenovaQuotidiana (@GenovaQuotidian) January 28, 2025
Дел од кранот паднал на балконот на петтиот кат во шесткатница, а три семејства се евакуирани од зградата.
Обилни дождови ги погодија и провинциите Лигурија и Тоскана, а во Џенова поради лизгање на земјиштето се урна потпорен ѕид кој се наоѓа веднаш до градината на приватна куќа.
Una gru è crollata nella mattinata di martedì 28 gennaio in zona Grotta Perfetta, a Roma. Parte della struttura si è appoggiata sulla facciata di una palazzina, mentre il braccio è piombato su un’auto, distruggendola. pic.twitter.com/VEa3OHKtuM
— Local Team (@localteamit) January 28, 2025
Во тој инцидент била оштетена и цевката за гас, а интервенирала и итната помош. На терен се и пожарникари кои бараат да видат дали некој е затрупан под урнатиот ѕид.
Во таа област се евакуирани пет лица.
Поради обилните врнежи поплавени се делови од Фиренца, а според локалната полиција најпогодени се окрузите Олтрарно и Галуко.
