Голем пожар попладнево избувна во скопската населба Вардариште. Според првичните информации, поради безбедносни причини исклучени се далеководите кои ги снабдуваат со електрична енергија делови од Аеродром и Лисиче.
Директорот на ЦУК, Мухамед Али, изјави дека во моментот на терен интервенираат 13 пожарникари со 5 противпожарни возила.
4NEWS објави снимки од дрон, на кои се гледа голем дел од депонијата дека е опожарена, но и дека големи облаци чад се шират кон околните населби.
Екипите се уште се на терен и се прават напори пожарот да се локализира.
