ВИДЕО: Силен земјотрес од 6.4 степени по Рихтер ги погоди Аргентина и Чиле- неколку градови останаа без струја

Земјотрес со јачина од 6,4 степени според Рихтеровата скала ноќеска ја потресе северозападна Аргентина, на границата со Чиле, пренесоа светските агенции, наведувајќи дека засега нема извештаи за жртви.

Земјотресот се случил непосредно пред полноќ, наведе Американскиот геофизички институт (USGS).

Епицентарот на потресот бил во Аргентина, на 27,6 километри од градот Порсита, на длабочина од 14 километри.

Медиумите јавуваат дека некои куќи во аргентинската провинција Сан Хуан се оштетени и дека еден локален пат е блокиран.

Земјотресот се почуствувал и во главниот град на Чиле, Сантијаго, што се наоѓа на околу 300 километри од епицентарот на потресот.

Чилеанските власти соопштија дека не е пријавена штета во земјата.Од другата страна на границата, во Аргентина, медиумите објавија загуба на електрична енергија во домаќинствата околу Порсит, а земјотресот се почувствува и во супермаркетите, каде намирниците паѓаа од полиците.

Следете го 4NEWS.mk на друштвените мрежи Facebook | Twitter | Instagram, како и преку нашиот Viber чет.
  • Ознаки
  • 1
spot_img

Најважното