Снег зафати некои делови од Истанбул, поради наноси на улиците, сообраќајот е во застој, наставата во повеќето училишта е прекината, а градот го активираше „планот за одговор при катастрофи“ кој предвидува сите служби да работат 24 часа.
Под влијание на студен циклон од Сибир, интензитетот на врнежите ќе се зголеми во вечерните часови, а снег ќе продолжи да паѓа во Истанбул во наредните три дена, соопшти Турскиот метеоролошки завод.
Според турските медиуми, иако службите за чистење снег работат со полна брзина, само главните патишта се расчистени, а сообраќајот дополнително го отежнуваат автомобилите заглавени во снегот.
#istanbul #kartatili bekliyor…#karyağışı pic.twitter.com/rQ4Z1EuVQM
— BAŞKAN (ZEYNEL) (@zeynel_baskan08) February 19, 2025
Градоначалникот на Истанбул, Екрем Имамоглу, апелираше до граѓаните да не ги напуштаат своите домови освен ако тоа е апсолутно неопходно.
Градот ќе се грижи и за бездомниците и ќе ги отстрани од улиците, рече Имамоглу и додаде дека е зголемен бројот на интервентни екипи кои ќе бидат на услуга на граѓаните доколку имаат проблеми со снабдувањето со вода, струја, или парно.
-Засилени се екипите на нашите здравствени служби, особено итната медицинска помош – истакна градоначалникот на Истанбул и додаде дека апелираат до граѓаните да не ги користат своите автомобили, бидејќи тоа дополнително го успорува сообраќајот, а доколку се принудени да одат некаде со своето возило, задолжително да стават зимски гуми и синџири.
Sayın valim akşam çıkışta daha çok trafik oluşmadan. Kar bastırmadan sarıyer, arnavutköy, başakşehir ve diğer ilçelere kontrollü bir şekilde kamu tatili vermeniz gerekmektedir.@TC_istanbul @gul_davut pic.twitter.com/HeiBPqkGNk
— BAŞKAN (ZEYNEL) (@zeynel_baskan08) February 19, 2025
Градските власти предупредија дека особено внимателни треба да бидат лицата со инвалидитет, трудниците и старите лица и да избегнуваат излегување надвор, како и сите што можат тоа да го прават од дома.
Градоначалникот на Истанбул додаде дека не ги заборавиле градските бездомници на кои надлежните служби ќе им даваат храна, вода и засолниште.
