Во следните неколку часа целосно затемнување на Сонцето ќе биде видливо во Мексико, 13 американски држави и Канада.
Голем број луѓе во мексиканскиот град Мазатлан први го видоа затемнувањето на Сонцето. Овој феномен потоа ќе се „пресели“ во САД, каде ќе биде видлив во 13 земји, а ќе заврши во Канада, јавува Би-би-си.
Кога ќе го достигне максимумот, Месечината целосно ќе го блокира Сонцето, а небото ќе се стемни четири минути. Тоа ќе се случи околу 9:18 часот по средноевропско време, пренесува Ројтерс.
За време на целосното затемнување, Месечината полека ќе го покрива Сонцето додека не биде целосно блокирано, а самракот ќе биде доволно долг за да се видат планетите, ѕвездите, а можеби дури и кометата.
Темнината во текот на денот ќе трае до 4 минути и 28 секунди, што е речиси двојно подолго од затемнувањето во САД пред седум години, бидејќи Месечината е поблиску до Земјата.
НАСА на својот канал на Јутјуб објави видео со сателитска слика каде што можете директно да го гледате затемнувањето.
Експертите препорачуваат носење заштитни очила
Патеката за затемнување започнува во градот Мазалтан, Мексико и ќе се движи низ Сан Антонио, Остин и Далас, Тексас, потоа низ Индијанаполис, Кливленд, Ири, Нијагарините водопади, Њујорк, Онтарио и Монтреал.
Околу 32 милиони луѓе во САД живеат на патеката на затемнувањето, а федералните власти предвидуваат дека уште пет милиони луѓе ќе патуваат за да бидат на патот на затемнувањето за да го видат феноменот.
Eclipse totality zone. Absolutely incredible. pic.twitter.com/6zGdd9Z0vC
— Austin Davis (@austindavisdc) April 8, 2024
Колективно гледање на затемнувањето ќе биде организирано на многу места како барови, стадиони, саеми и паркови.
Експертите ги советуваат гледачите на затемнувањето да носат заштитни очила за да спречат оштетување на очите.
Следното затемнување е во 2033 година.
Во градовите како Далас или Нијагарините водопади, повеќето резервации за периодот на целосно затемнување беа направени повеќе од два месеци однапред, многу порано од вообичаеното и многу порано отколку што сопствениците сфатија дека можат да ги зголемат цените.
Вкупниот приход на сопствениците на имоти кои се издаваат на Airbnb, според тоа, со 10 отсто поскапување на една ноќ ќе изнесува околу 18 милиони долари.
„Дури и сметајќи ги деновите пред и по врвот на побарувачката, кога пополнетоста исто така надминува 80 проценти, само кумулативниот дополнителен сообраќај ќе достигне вкупно 44 милиони долари“, додава Економист.
Тој заклучува дека американските домаќини и дигиталните платформи кои живеат од провизијата за изнајмување сместување пропуштиле шанса.