Најмалку 100 луѓе се евакуирани, а на околу 30 им е даден кислород по пожарот што денеска избувна во 50-катна станбена кула во центарот на Буенос Аирес, соопшти аргентинската служба за итни случаи.
„Евакуиравме 100 луѓе и згриживме триесетина“, главно поради вдишување чад, соопшти итната помош, додавајќи дека три лица се префрлени во болница.
Пожарот избувнал на 10-тиот кат од кулата, која се наоѓа во модерен кварт на комерцијални и станбени згради во близина на центарот на Буенос Аирес.
Според очевидци потеклото на пожарот е поврзано со системот за климатизација, што не е потврдено од официјални извори.
🇦🇷 | URGENTE #Argentina:
Decenas de evacuados en Buenos Aires por #incendio en edificio de 50 pisos. pic.twitter.com/mgTUmVFOvW— @DeLoBuenoPoco (@jcvg0910) February 11, 2025
