Прекрасен лесен десерт, кој одлично ќе се вклопи во вашиот неделен ручек
Потребни состојки за пандишпан:
- 5 јајца
- 5 лажици шеќер
- 5 лажици брашно
- 3 лажици какао
- 1 пакување ванилин шеќер
- 1/3 лажиче прашок за печиво
- Потребни состојки за филот:
- 200 мл слатка павлака
- 2 лажици мед
- ½ кесичка желатин
- 4 лажици вода
Начин на подготовка:
1. Најпрво заедно сматете ги со миксер жолчките од јајцата, шеќерот и ванилиниот шеќер.
2. Брашното, какаото и прашокот за печиво промешајте ги и додадете ги во смесата со жолчките.
3. Белките од јајцата посебно изматете ги, а потоа мешајќи пополека со лажица додадете ги во смесата со другите состојки.
4. Плехот за печење обложете го со хартија и оставете го пандишпанот да се испече 15 минути на 180 Целзиусови степени.
5. Откако пандишпанот ќе се испече, оставете го да се олади, а потоа преполовете го.
6. Слатката павлака, која мора да биде ладна, изматете ја како шлаг и во неа додадете го медот.
7. Желатинот измешајте го со 4 лажици вода, а потоа ставете го на оган да почне да врие. Откако ќе почне да врие додадете го во садот со слатката павлака и матете ги уште една минута.
8. Добиениот фил намачкајте го помеѓу двете половини од пандишпанот. Од колачот исечете коцки и уживајте.
