Сообраќајот на државните патишта во земјата тековно се одвива без поголеми пречки, а коловозите на одделни делници се влажни. Интензитетот на возила надвор од урбаните средини е умерен, додека на граничните премини од македонска страна не се бележат подолги задржувања при влез или излез од државата.
АМСМ апелира возачите да ја приспособат брзината кон условите на патот, да ја почитуваат поставената сигнализација и да возат внимателно, особено на деловите низ котлини, речни долини и клисури, каде е можно појавување на одрони. Вакви ризични точки се забележуваат на делниците Катланово – Велес, Маврово – Дебар – Струга, Виница – Берово и Кочани – Делчево.
Од 15 ноември 2025 година стапи во сила законската обврска возилата задолжително да поседуваат зимска опрема, независно од моменталните временски услови. Оваа обврска важи до 15 март 2026 година.
