Во Институтот за судска медицина во Приштина утрово избувна пожар, јавува весникот „Коха диторе“.
Пожарникарите за весникот изјавиле дека пожарот се проширил на вториот кат од зградата и нема повредени. Пожарот во моментов е локализиран.
Според пожарникарите, во канцеларија на вториот кат изгореле само документи, а причините за пожарот се нејасни.
Се претпоставува дека канцеларијата му припаѓа на поранешниот директор на институтот, Арсим Гурјалиу, забележува „Коха диторе“.
Пожар на крајот на март годинава имаше и во зградата на Институтот за судска медицина, а наводна причина за пожарот е дефект на електричната инсталација.
