Тајфунот Фунг-вонг предизвика смрт на најмалку четири лица на северозападниот дел од Филипините, прекини во електричната енергија, како и поплави и лизгање на земјиштето во неколку провинции, објавија денес официјални лица.
Во северната планинска провинција Нуева Вискаја, лизгање на земјиштето затрупа колиба на ридот во градот Кајапа непосредно пред зори, при што загинаа две деца, а нивните родители и брат беа повредени, изјави началникот на полицијата на градот, Лен Гомултим.
Едно лице се удави во ненадејни поплави во источната провинција Катандуанес, а друго почина во градот Катбалоган во источната провинција Самар кога се урна куќата во која се наоѓаа, соопштија официјални лица.
