Во врска со вооружениот напад врз доктор Шахини е поднесена кривична пријава за загрозување на сигурноста против едно лице

Во врска со вооружениот инцидент во Куманово, во кој беше ранет докторот Зекирја Шахини, денеска до Основното јавно обвинителство Куманово е доставена кривична пријава за загрозување на сигурноста против едно лице. Исто така, поднесена е пријава и за поттикнување при извршувањето на истото дело против поранешната сопруга на оштетениот.

Пријавите се однесуваат на претходно испратени заканувачки пораки и закани. Сепак, индициите за евентуална инволвираност на овие осомничени, како и на други лица во инцидентот со пукањето, се уште се проверуваат.

Надлежниот јавен обвинител постапува по пријавите и презема соодветни дејствија за целосно расчистување на случајот.