Претседателот на Србија, Александар Вучиќ изјави дека се ближи крајот на блокадата на факултетите и дека е сигурен дека тоа ќе се случи во април.
-Факултетите ќе почнат да работат побрзо отколку што мислат тие што ги блокираат. Дури и родителите кои трошат огромни суми пари за да им овозможат на децата да одат на училиште немаат повеќе трпение – рече Вучиќ, кој е во посета на областите Топличка и Јабланица.
Вучиќ рече дека оние што протестираат планираат да ги блокираат најголемите пекари во Србија, рафинериите, како и Колубара и Експо.
– Во деновите што претстојат ќе го повикаме народот на Србија мирно и демократски да се спротивстави на теророт, нема да дозволиме да ја уништат нашата Србија. Ги повикувам сите да учествуваат во оваа борба, да се спротивставиме, бидејќи немаме резервна татковина, најлошото не може да биде најдобро – истакна тој.
Вучиќ рече дека поради протестите економијата паѓа веќе четири месеци.
Според него, поради блокадата 28 отсто од туристите се откажуваат од првпат да дојдат во Србија, додека странските директни инвестиции никогаш не биле на пониско ниво.
– Издржуваме четири месеци терор, молчиме и се правиме како ништо да не се случува. Делумно сме виновни и ние во Владата, затоа што дозволивме да се случи. Тие не сакаат избори, ниту референдум за претседател на Србија, туку сакаат да ги малтретираат граѓаните – рече Вучиќ.
Вучиќ денеска ги посети приватните мали претпријатија и земјоделските фарми во општините Блаце, Куршумлија, Прокупље и Житораѓе, а утре ќе ја продолжи посетата на Топличката и Јабланичката област.
