Претседателот на Србија, Александар Вучиќ, вечерва на средба во Јагодина изјави дека ги повикува студентите на дијалог и да кажат кои од нивните барања не се исполнети.
Вучиќ рече дека доколку не сакаат да дојдат кај него, нека кажат јавно кое барање не е исполнето.
„Немојте да мислите дека не знам, дека не постои. Но еве, на мене останува да ги прашам уште еднаш. Ве молиме дојдете и кажете ни кое од вашите барања не е исполнето. Еве, ние сакаме да се вратите во студентските клупи сакаме да напредувате кажете ни кое барање не е исполнето. Еве ние ќе ви го исполниме, само кажете ни кое не е исполнето од четирите што ги поставивте. Рековте дека нема нови“, рече Вучиќ.
