Српскиот претседател Александар Вучиќ изјави дека државата ќе се обиде да ја зголеми минималната плата од 457 евра на 550 евра, во два чекора, до 1 јануари.
Тој нагласи дека министерот за финансии Синиша Мали веќе разговарал со претставници на најголемите синдикати и дека сега претстојат „не лесни“ разговори со работодавачите.
„Денес, нашата минимална плата е точно 457 евра, што е три пати повеќе отколку што беше пред 10 или 11 години. Но, тогаш имавме повеќе од 525.000 луѓе на минимална плата, а денес имаме само 95.000 луѓе на минимална плата, бидејќи просечните плати се значително повисоки“, рече Вучиќ.
Тој нагласи дека ќе се погрижи и пензиите да се зголемат за НАЈМАЛКУ осум проценти и најави дека просечната плата би можела да изнесува повеќе од 1.170 евра во јануари 2026 година.
