Многу подоцна од планираното денеска во Брисел заврши самитот на Европската Унија и Западен Балкан.
Средбата траеше речиси четири часа, а беше планирано да трае и до два часа.
Прес-конференцијата по самитот, на која требаше да се обратат лидерите на Европската унија, беше откажана.
На заедничката прес-конференција треба да се обратат лидерите на Србија, Албанија и Северна Македонија, Александар Вучиќ, Еди Рама и Димитар Ковачевски, но времето на нејзиниот почеток се уште не е потврдено.
Попладнево во Брисел почнува самитот на Европскиот совет, на кој учествуваат лидерите на ЕУ и шефовите на држави или влади на нејзините земји-членки. Пристигнувањето на учесниците беше најавено во 14.15 часот.