Кривичниот суд ќе ја објави пресудата за случајот „Титаник 2“ на 8ми март. Во случајот обвинети се поранешниот директор на УБК, Сашо Мијалков, лидерот на ДПА, Мендух Тачи, поранешните членови на ДИК, Бедредин Ибраими, Анета Стефановска, Влатко Сајковски и Сашо Срцев.
Адвокатот на Мијалков го нападна обвинението на СЈО, поради како што рече тој имало многу недостатоци.
„Не може да биде покренато обвинение, а уште помалку да се донесе пресуда само врз основа на еден разговор, еден незаконски стекнат аудио материјал, особено што тоа се коси со ставовите и пресудите на Европскиот суд за човекови слободи и права во Стразбур“, рече адвокатот на Мијалков Љупчо Шврговски.
Предметот „Титаник 2“ се однесува на изборни нерегуларности на локалните избори во 2013 година.