На прес-конференција денеска се обрати и пратеникот и потпретседател на СДСМ Мухамед Зеќири кој вината ја префрли кај претседателот Талат Џафери и ДУИ за синоќешните случувања.
„Дали се калкулирало синоќа или не, претседателот Џафери мора да одговори, а не да калкулира како што тоа го направи на прес-конференција.
Неточни се тврдењата дека имало навреди и пцости кон претсдателот. Јас побарав од Џафери пред полноќ да го прочита заклучокот за да може да гласаме, но очигледно Џафери чекаше да помине полноќ, а потоа пратениците на ВМРО-ДПМНЕ беа задоволни. Негова должност беше да овозможи да се гласа пред полноќ“, изјави Зеќири.
Околу понатамошните чекори со коалицијата, Зеќири истакна дека ќе се разговара во партијата, а потоа ќе се излезе со став.