Претседателот на Украина рече дека целиот свет се плаши од американскиот претседател Доналд Трамп, но не и он, и ги негираше тврдењата дека Трамп фрлил карти со фронтовските линии во Украина за време на нивниот бурен состанок во октомври во Белата куќа, кога очекувал да добие американски крстосувачки ракети Томахавк.
„Тој не фрли ништо. Сигурен сум во тоа“, им рече Зеленски на новинарите во Киев, кои ги опишаа односите со Трамп како „нормални“, „деловни“ и „конструктивни“, објави денес Гардијан.
Како што објавија медиумите по состанокот, Трамп наводно вршел притисок врз Зеленски да ги прифати максималистичките услови на рускиот претседател Владимир Путин за завршување на војната и му рекол на Зеленски дека рускиот лидер ќе ја „уништи“ Украина ако не се согласи со условите на Путин.
Зеленски, исто така, рече дека „сите во светот“ се плашат од Трамп, но не и он.
„Не… ние не сме непријатели на Америка. Ние сме пријатели. Па зошто да се плашиме“, рече Зеленски.
