Подрачјето на Босна и Херцеговина (БиХ) беше погодено од земјотрес кој, според првичните мерења, беше со јачина од 4,5 степени според Рихтеровата скала, објави вечерва веб-страницата Klix.ba.
Земјотресот е регистриран девет километри југозападно од Ливно, а бил почувствуван и во Хрватска и други делови од БиХ.
Земјотресот го почувствувале жителите на Бугојно, но бил почувствуван и во централните делови на БиХ, како и во Сараево.
Нема информации за можни жртви или материјална штета, додаде веб-страницата.
