ЗОО Скопје ги повикува граѓаните да се приклучат во кампањата „Кажи СТОП за петарди и огномети“ со цел заштита на животните и намалување на празничниот стрес.
Од ЗОО нагласуваат дека петардите и огнометите предизвикуваат страв, стрес и сериозни повреди кај животните. Бучавата не е забава – таа претставува вистинска закана за нив. Со само еден звук може да се загрозат многу животи, па затоа новогодишната радост не смее да значи страв за животните и децата.
„Избери хуманост, избери празници без бучава! Кажи СТОП за петарди и огномети“, порачуваат од ЗОО Скопје, повикувајќи на одговорно и совесно одбележување на празниците.