Пираните предизвикуваат страв кај луѓето поради својот изглед и слава, но малку е познато дека во семејството имаат и вегетаријански „роднини“ – рибата Пакус, која доби и нов вид Miloplus sauron.
Именувана по мрачниот лик од „Господарот на прстените“, оваа риба е препознатлива по своите необични заби слични на човекот и ознаките на телото кои наликуваат на Окото на Саурон.
Откривањето на нов вид Пакус ја покажа различноста и богатството на животот во Амазон. Овој вид, кој се разликува од неговите месојадни сродни пирани, е еден од доказите колку природата е непредвидлива. За разлика од неговите роднини, се храни исклучиво со растенија.
Како Miloplus sauron го добил своето име?
Meet Myloplus Sauron, a newly discovered pacu species in the Amazon! Named after Sauron from "The Lord of the Rings," thanks to the vertical black bar on its flank resembling the fiery eye. 🐟#sauron #amazon #wildanimal #sciencefantasy pic.twitter.com/8SKLkniZfw
— Curiosity Collectors ZapLiber (@zapliber) June 14, 2024
Зборувајќи за медиумите, Руперт Колинс, виш кустос во Природонаучниот музеј во Лондон, објасни како овој вид веге пирана го добил своето име.
„Штом колегите предложија име за оваа риба, знаевме дека е совршена за неа. Нејзината шема навистина наликува на тоа око, особено во комбинација со портокаловите дамки на телото“, рече тој.
Каде е пронајдена пираната Пакус?
Новиот вид се наоѓа само во притоката на реката Амазон, наречена река Ксингу, која има слив поголем од Франција и содржи над 600 видови риби.
Повеќе од 70 од нив се ендемични.
Се верува дека 42 отсто од рибите во реката Амазон и нејзините притоки се уште не се категоризирани и опишани од научниците.
Која е разликата помеѓу Пакус и пирана?
Клучната разлика помеѓу пакусот и пираната е во нивната исхрана. Додека пираните се познати како месојади, пакусите се вегетаријанци. Оваа разлика може да се види и во нивните заби – пакусите имаат заби кои изгледаат слично на луѓето. Интересно е што пакусот, доколку има доволно храна и удобен живот бидејќи најчесто ги земаат за домашни миленици, може да порасне и до метар и да тежи до 20 килограми.