Земјите од НАТО немаа намера да ја нападнат Русија. Украина не планира да го нападне Крим. Руската војска не умира да ја брани својата земја, туку се обидува да окупира друга земја, напиша на Твитер советникот на украинскиот претседател Михаило Подолиак, цитиран од руската служба на Би-Би-Си.
Проговорімо ще раз. Країни НАТО не збиралися нападати на Росію. Україна не планувала атакувати Крим. Російські військові гинуть, не захищаючи свою країну, а намагаючись окупувати іншу. У цієї війни не було жодних раціональних причин окрім хворобливих імперських амбіцій Рф.
— Михайло Подоляк (@Podolyak_M) May 9, 2022
Тој му одговори на рускиот претседател Владимир Путин, кој на парадата за Денот на победата рече дека ја нападнал Украина затоа што се плашел од неа или НАТО прво ќе ја нападне, пренесоа британските медиуми.
Подолијак ги опиша „болните империјални амбиции на Русија“ како единствена причина за војната.
Генералштабот на украинската армија предупреди дека постои голема веројатност за ракетни напади за време на празникот. Во исто време, британското Министерство за одбрана рече дека руските сили би можеле да ги подложат украинските градови на сè поинтензивно и неселективно бомбардирање со мало или никакво внимание на цивилните жртви“, бидејќи тие се соочуваат со недостиг на муниција со висока прецизност.