Собранискиот спикер Талат Џафери за во 10 часот утрово закажа брифинг со новинарите по однос на актуелни прашања за работата на Собранието.
Но, пратениците од ВМРО-ДПМНЕ го пречекаа со транспаренти на кои беа напишани зборовите кои ги изговара Талат Џафери на видео снимката која до овој момент тој не ја коментираше.
Командант Форина до службениците: 👉Си ебавате мајката тука! pic.twitter.com/R5tMyGL2TK
— Soleimani (@Soleimani_QUDS) May 12, 2022
На останатите транспаренти пишуваше и: „Сите што позади седат, ех маму ви е**м“, „Сите од службата, конкретно седници, одма кај мене“.
Од опозицијата бараат извинување и оставка од Талат Џафери.
„Поминаа повеќе од десет дена, а претседателот на Собранието не само што не се извини за неговото безобразно однесување кон вработените во собраниската служба туку се однесува како ништо да не се случило. Крјано недозволиво е од човекот кој прв го потпишал Етичкиот кодекс за однесување во Собранието, најгрубо да го крши и да бега од одговорност, а со пратениците од власта да се обидуваат да го сокријат под тепих овој скандал“, порача пратеничката Дафина Стојановска од ВМРО-ДПМНЕ.