Интернет-каблите поставени на дното на морето може да се користат за откривање земјотреси, цунами или следење на климатските промени.
Се чини дека телекомуникациските кабли можат да имаат друга функција. Според Би-Би-Си, британската национална лабораторија за физика го забележала потенцијалот на овие кабли за откривање земјотреси, цунами, но и за следење на климатските промени со набљудување на однесувањето на подморските струи.
Група научници ја тестираа својата идеја користејќи кабли со оптички влакна што ги поврзуваат Велика Британија и Канада. Резултатите од ова истражување се објавени и покажуваат дека овие кабли се многу чувствителни поради нивната специфичност и дека можат да доловат и најмали промени. Сигналите помеѓу каблите може дополнително да се подобрат со поставување на повторувач што дополнително ќе го подигне нивото на доверливост и чувствителност.
Недостаток на оваа идеја засега се високите економски трошоци. Иако, теоретски, покривањето на морското дно со оптички кабли е корисно, такво нешто во моментов е економски неизводливо.
Извор: BBC