Големи производители на нафта, предводени од Саудиска Арабија, се согласија да го зголемат производството по најавата на Европската унија за остар пад на увозот на руска нафта.
Откако ЕУ воведе ембарго на руската нафта, цените на нафтата се искачија на рекордно високо ниво, што вршеше притисок врз групата производители на ОПЕК + да ослободи повеќе залихи за да го олесни пазарот.
Аналитичарите очекуваа групата ОПЕК + да се држи до скромно зголемување на количината на нафта што ја пласира на пазарот и да се зголеми за уште 432.000 барели дневно во јули, но Ројтерс, цитирајќи извор од ОПЕК +, рече дека групата се согласила да ја зголеми производство.за 648.000 барели дневно во јули и во август. Ова е зголемување за приближно 50 проценти во споредба со претходните испораки на нафта од тие земји.
Со тоа ќе се компензира делот од руската нафта што повеќе нема да пристигнува во ЕУ.
Производството на нафта во Русија се проценува дека паднало за околу милион барели дневно како резултат на санкциите на Западот.