Претседателот на бугарскиот културен центар „Ванчо Михајлов“ во Битола утрово во интервју за бугарската БТВ со прв коментар по пожарот. Тој вели дека на камерите се гледа лицето како доаѓа и со бензин го пали влезот на клубот.
„На камерите се гледа дека пожарот е подметнат. Доаѓа лице со бензин и ја пали вратата. Благодарение на брзата интервенција на противпожарната единица кои спречија поголема трагедија. Тука до нас има станбена зграда и католичка црква“, изјави за БТВ Љупчо Ѓоргиевски – претседател на бугарскиот културен центар во Битола.
Додава дека се плашат, но нема да престанат со работа. Од вчера полицијата 24/7 го чува бугарскиот клуб во Битола.
„Нормално е човек да се плаши, но тоа не значи дека ќе престанеме со работа. Напротив, ќе видиме уште поголеми Ванчо Михајловисти, поголеми Бугари и ќе се бориме за идејата Македонија-Швајцарија на Балканот, каде и Бугарите ќе ги добијат своите права во државата“, додаде Ѓоргиевски во интервјуто за БТВ.