Темата за позицијата на Бугарија за членството во ЕУ во Македонија продолжува да создава тензии во бугарскиот парламент. Бугарското МНР достави нацрт протокол од последниот договор со Скопје.
„БТВ Новините“ објави дел од нацрт-протоколот на Меѓувладината комисија. Нејзината автентичност ниту ја потврдија ниту ја отфрлија од МНР на Бугарија и членовите на собраниската комисија за надворешни работи.
Протоколот што го има БТВ е од 3 јуни, нема потпис од двете страни и пишува дека „Владата на Бугарија изјавува подготвеност да се согласи да се одржи Првата меѓувладина конференција на ЕУ и Северна Македонија, под услов таа да се одржи веднаш откако Скопје во Уставот ги вклучи оние свои граѓани кои живеат на територијата на државата и се дел од бугарскиот народ. Од своја страна, владата на Северна Македонија е посветена на завршување на соодветните уставни процедури пред конференцијата.
Нацрт-записниците од состанокот на владите на Бугарија и Северна Македонија веќе се наоѓаат во надворешна комисија во парламентот во Бугарија.