Хакерската група „Анонимуси“ ја нападна Србија и нејзиниот претседател Александар Вучиќ. Ова стана јасно по порака на Твитер профилот на хакерите. Тврдат дека по сајтот на српската војска ја хакирале и веб-страницата на претседателот Вучиќ, јави Танјуг.
„Ако сака да си игра со оган, да почнеме. vucic.rs е симнат“, напиша групата „Анонимус ТВ“ на својот Твитер профил, на која покрај името на групата стои украинско знаме.
If he wants to play with fire then lets beginhttps://t.co/z5elEBb5t2 – DOWN https://t.co/rQbgECR95C#OpSerbia #Anonymous pic.twitter.com/aYlwoYO9Jh
— Anonymous TV 🇺🇦 (@YourAnonTV) January 5, 2023
„Ова е само почеток, наскоро ќе бидат сведоци на несекојдневни изненадувања од наша страна. Очекувајте не“, пишуваат и „Анонимуси“.
Во претходниот твит, нарекувајќи го Вучиќ фашист, му порачаа „да не си го троши времето со кучиња“, дека ја симнале страницата на Војската на Србија и дека не треба да ги потценува „Анонимуси“.
https://t.co/wuCMpu8d3o | Serbian Army Website Down
Fascist Aleksandar, don't waste your time with your dogs. Your army can't bark right now. Don't underestimate Anonymous either, we'll put the leash on you.
We are #Anonymous. pic.twitter.com/LtTOwhvmKm
— Anonymous🏴 (@Parrattarna) January 4, 2023
„Вашата војска сега не може да лае. Не ги потценувајте ни Анонимусите, ќе ви ставиме поводник“, се вели во претходниот твит.
Хакерската група, позната по бројни акции ширум светот, на крајот на декември ги упати првите закани до претседателот Александар Вучиќ, велејќи дека доколку тој не ги прекине „акциите на Косово“, народот на Косово нема да остане без поддршка.
Вучиќ потоа на шега одговори на заканите на својот Инстаграм профил, објавувајќи фотографии како си игра со две кучиња.