Триесетина пожарникари од Сплит гаснеле голем пожар кој избувнал околу 02:40 часот во магацин за автомобилски гуми во месноста Дујмовача, информираат пожарникарите и полицијата. Во 06:30 часот пожарот бил локализиран.
Пожарот избувнал во магацин на раскрсницата на улиците Солинска и Пута Мостина, кај сплиќани познат како Дујмовача. На терен се 30 пожарникари со десет возила од ЈВП Сплит, ДВД Сплит, Солин и Врањиќ.
Командантот на ЈВП Сплит Марио Микас вели дека пожарот е локализиран.
Сообраќајот во улицата Пут Мостина се одвива наизменично со регулација на полициски службеници, соопшти сплитската полиција.
Засега не е познато што го предизвикало пожарот. Кога пожарот ќе биде изгаснат, ќе се изврши увид. Се претпоставува дека материјалната штета ќе биде голема.