Сите ние имаме свои утрински ритуали, а за повеќето, првото утринско кафе дома е задолжително. А дали знаете дека може да му наштети на вашето здравје?
Добро е познато дека кафето остава дамки на забите, а неговата киселост може да ја оштети забната глеѓ.
Затоа миењето заби е многу важно за да се спречат последиците од пиењето кафе. Сепак, постои голема шанса да ги миете забите по сосема погрешен редослед.
Пред или после кафето, прашање е сега?
Ако ги четкате забите пред да пиете кафе, го отстранувате плакот и го отежнувате создавањето на дамката, вели Кристина Мајнерс, стоматолог во „CommuCare“, непрофитна здравствена установа во Сан Антонио.
– Ако забите ви се убави и чисти, помали се шансите кафето да се залепи на нив – објасни таа.
Ако претпоставувавте дека миењето заби веднаш по пиењето кафе е добро за одржување на чистотата, се лажете. Може дури и да ги влоши работите. Бидејќи кафето е кисело, четкањето на забите веднаш по кафето ќе ја ослабе вашата глеѓ. Односно надворешниот слој на забите кој ги штити од физичко и хемиско оштетување.
Мајнерс откри и како изгледа нејзината утринска рутина, која треба да ја копирате.
Прво ги мие забите, потоа пие кафе и на крајот ја плакне устата со обична вода за да го неутрализира нивото на киселост во устата, пишува „HuffPost“.