Објавени се мапи кои го прикажуваат уништувањето што би можело да биде предизвикано ако врз Москва фрли нова нуклеарна бомба која тајно ја развива Пентагон.
Пентагон објави дека развива нова нуклеарна „гравитациска бомба“ која е 24 пати помоќна од нуклеарната бомба детонирана во Хирошима. Б61-13 е 13-та варијанта од семејството на „гравитациони бомби“ Б61 кои паѓаат на нивната цел наместо да бидат водени. Гравитационите бомби се неводени, но новите би имале опрема која би обезбедила поголема прецизност.
Симулацијата со помош на Nukemap проценува дека бомбата Б61-13 тешка 360 килотони, доколку експлодира над Москва, би предизвикала стотици илјади жртви и речиси милион повредени. Ќе има голема штета со милји наоколу.
Точната експлозивна моќ на Б61-13 не е откриена, меѓутоа, новата бомба најверојатно ќе ја има истата експлозивна моќ како нејзиниот претходник од времето на Студената војна, Б61-7, со 360.000 тони со радиус на експлозија од приближно 50 километри.
Б61-13 најверојатно ќе предизвика значително уништување со околу 300.000 мртви и 870.000 повредени доколку падне врз Москва.
Сè што е на еден километар од местото на детонацијата би било проголтано во огнена топка, а експлозијата би ги урнала зградите и веројатно би ги убила сите живи суштества во радиус од најмалку два километри. Луѓето во радиус од три километри од местото на детонација, исто така, би страдале од високо ниво на радијација што веројатно би ги убило во рок од еден месец. Уште 15 отсто од преживеаните би умреле од рак подоцна во животот. Ниту луѓето во зградите веројатно не би поминале подобро, со оглед на пожарите и уривањето на зградите и случајните повреди.
Детонацијата би создала огромна огнена топка со радиус од шест километри, која би генерирала урагански ветрови од најмалку 100 степени Целзиусови, а експертите веруваат дека пожарот би траел повеќе од шест часа, создавајќи смртоносна средина за површина од повеќе од 100 квадратни километри.
Тоа е површина од 10 до 15 пати поголема од областа која е изгорена во Хирошима.
Според Вашингтон, новата бомба првенствено е наменета за одвраќање додека обезбедува „дополнителни способности“ против одредени воени цели. Пентагон објасни дека развојот на ново моќно оружје треба да го зајакне одвраќањето на противниците и безбедноста на сојузниците, обезбедувајќи му на претседателот Џо Бајден дополнителни способности против одредени потешки и поголеми воени цели.
#BREAKING
The US Department of Defense has declared its intention to create a new version of the B61 nuclear bomb, known as the B61-13, which will possess 24 times the destructive capacity of the atomic bomb dropped on Hiroshima at the conclusion of World War II.The B61-13 is… pic.twitter.com/ebdmkcBTmX
— Geo Maestro (@mavi9261) October 30, 2023
Проектот во суштина ќе ја користи истата боева глава Б61-7 монтирана во ново куќиште. За разлика од постариот модел, тој ќе има модерни безбедносни и контролни карактеристики и подобрена опашка која ќе му помогне да падне и да ја погоди целта.
B61-13 ќе има два главни склопови, имено склопот на бомбата и склопот за водење на опашката. Комплетот за опашка е опремен со четири подвижни перки и вшмукување на опашката.
Во моментов, САД имаат околу 3.700 нуклеарни боеви глави, од кои 1.419 се распоредени. Тие моментално се ангажирани во нивните најамбициозни напори за развој на нуклеарно оружје од Втората светска војна. Ќе потроши повеќе од 750 милијарди долари во текот на следната деценија за обнова на речиси секој дел од застарената нуклеарна одбрана, со некои системи стари повеќе од 50 години.
САД вообичаено не се придржуваат до политиката „не прва употреба“ и наведуваат дека нуклеарното оружје ќе се користи само во екстремни околности.