Илјадници Палестинци бегаат од северниот дел на Газа на југ за да најдат засолниште и да избегаат од секојдневното израелско бомбардирање. На социјалните мрежи беа објавени слики и видеа од реки луѓе, меѓу кои жени, деца, стари лица и инвалиди.
Обединетите нации соопштија дека во неделата околу 2.000 луѓе избегале на југ, додека во вторник тој број се зголемил на 15.000.
Израелската армија со недели ја бомбардира Газа. Војската соопшти дека биле погодени 14.000 терористички цели во енклавата.
Светската здравствена организација објави дека најголемата болница во Газа, во која се сместени околу 50.000 луѓе, се соочува со бомбардирање.
With the majority of the lsraeli bombing concentrated on the north, thousands of Palestinians flee the hardest-hit areas in Gaza Strip, heading towards the south. pic.twitter.com/td4rwbEF7z
— TIMES OF GAZA (@Timesofgaza) November 10, 2023
Палестинските власти соопштија дека Израел извршил воздушни напади врз најмалку три болници додека здравствениот систем се борел да се грижи за илјадници ранети или раселени луѓе.
Белата куќа објави дека Израел ќе почне да спроведува четиричасовни „хуманитарни паузи“ во нападите за да им се овозможи на луѓето да се движат од север кон југ.
Портпаролот на американската национална безбедност Џон Кирби рече дека паузите ќе им овозможат на луѓето да минуваат низ двата хуманитарни коридори, што тој го опиша како „значаен прв чекор“.
🚨Tens of thousands of Gazans are moving to the southern part of the Gaza Strip for their safety.
For the 6th consecutive day, the @IDF has opened an evacuation corridor.
The evacuation corridor is open today 9:00-16:00. #FreeGaza from Hamas. #HumanitarianEffort pic.twitter.com/oB9l5idqSq— COGAT (@cogatonline) November 10, 2023