Четири тони кокаин скриени во вреќи со ориз се запленети во пристаништето во Барселона, што е најголемата заплена досега во тоа шпанско пристаниште, соопшти денес шпанската полиција.
За време на рацијата уапсени се осум лица, меѓу кои и шеф на шпанска компанија чие име не се споменува во соопштението, а уапсени сè уште две лица, меѓу кои и шефот на мрежата во Парагвај, наведува полицијата, пренесува Фигаро.
Акцијата е резултат на меѓународна истрага покрената минатата година, чија цел била шпанска компанија која увезувала ориз од Парагвај.