Годинава повторно е актуелизиран проблемот со одлив на здравствен кадар од Македонија.
Според информациите од Здружението на медицински сестри „За нас“, во текот на минатата година дури 2000 медицински сестри ја напуштиле Македонија и заминале кон европските држави каде трагаат по подобри услови за работа.
Причини за ова масовно иселување секако се ниските примања во државата, но и недостатокот за можности за унапредување, долгото работно време како и големата одговорност.
Очекувањата се дека оваа бројка ќе продолжи да расте, па од тука е и прашањето кој ќе остане во Македонија за да не лекува?
Од ова здружение постојано алармираат за итни и конкретни мерки, бидејќи како што порачуваат оваа служба се соочува со ризик од колапс.