Еден човек од Шавник доживеал необична несреќа во пределот на реката Бијела во Црна Гора.
Откако вчера излетал од патот и паднал од автомобилот, поминал 12 часа повреден над карпа, држејќи се за гранки. Од непозната причина, Рајковиќ излетал од патот, а возилото се запрело во дрво. Тој паднал од автомобилот и останал да виси над провалијата, сериозно повреден.
„Пациентот не се сеќава точно како се случила несреќата. Цела ноќ ја поминал држејќи се за две гранки и вели дека не знае како ја преживеал со оглед на сериозноста на повредите“, изјави д-р Зоран Мркиќ, директор на болницата во Никшиќ за ТВЦГ.
Исчезнувањето на Рајковиќ беше пријавено синоќа, а тој беше забележан дури утрово над кањонот на реката Бијела. Следеше драматична спасувачка операција, во која учествуваа пожарникари од Шавник, со помош на колеги од Никшиќ.
„Бевме информирани дека возилото слетало во провалија длабока околу 50 метри и дека под автомобилот има лице кое покажува знаци на живот. Веднаш ја активиравме екипата и отидовме на терен“, изјави Горан Трипковиќ од Службата за заштита и спасување на Никшиќ.
Тој додаде дека пожарникарите од Шавник биле принудени да започнат многу ризична операција за спасување поради недостаток на опрема.
„Четири лица успеаја да го извлечат човекот со едно возило. Знаејќи дека губи сила, мораа брзо да дејствуваат. Благодарение на нивната храброст и вештина, беше спасен еден човечки живот. Им честитаме за нивната исклучителна акција“, рече Трипковиќ.
Рајковиќ моментално се опоравува на одделот за интензивна нега. Според лекарите, тој претрпел повеќекратни фрактури на ребрата, контузија на белите дробови со присуство на крв и воздух во градите, како и делумни повреди на ‘рбетот во торакалниот регион, пренесува Беране.