Првата дама на Соединетите Американски Држави, Меланија Трамп, во писмо што американскиот претседател Доналд Трамп му го предаде за време на самитот во Алјаска, го замоли рускиот претседател Владимир Путин да ја „заштити невиноста на децата“, нагласувајќи дека денес може да ја „оствари таа визија со еден потег на пенкалото“.
Во писмото, во кое, како што беше објавено претходно, Меланија изрази загриженост за наводните киднапирања на деца за време на војната во Украина, се нагласува дека „секое дете носи исти тивки соништа во своето срце, без разлика дали е родено во скромна рурална средина или во прекрасен градски центар“.
„Тие сонуваат за љубов, можност и безбедност од опасност“, се вели во писмото, објавено од Фокс њуз.
Меланија Трамп до Путин: Заштитете ја невиноста на децата, можете да го направите тоа со еден потег на пенкалото!
