Поранешниот претседател на украинскиот парламент Андриј Парубиј, водечка фигура на проевропската револуција Мајдан во 2014 година, беше убиен денес на западот од земјата, објавија украинските власти, додавајќи дека напаѓачот се бара.
Околностите на смртта и причините зошто Парубиј бил цел не се познати.
Неидентификуван маж испукал неколку куршуми кон политичарот, убивајќи го Андриј Парубиј на лице место во Лвов, град во западна Украина, соопшти канцеларијата на државниот обвинител.
Осомничениот избегал, започната е „специјална операција за пребарување“ и истрагата е во тек, додаде истиот извор.
Пратеникот Андриј Парубиј (54), водечка фигура на проевропската револуција Мајдан и претседател на украинскиот парламент од 2016 до 2019 година, преживеал обид за атентат во 2014 година, потсетуваат украинските медиуми.
Украинскиот претседател Володимир Зеленски го осуди „ужасното убиство“ и вети дека „сите ресурси“ ќе бидат вклучени во истрагата.
Поранешниот претседател на украинскиот парламент Андриј Парубиј е убиен, потрагата по напаѓачот е во тек
