Германскиот канцелар Фридрих Мерц денес изјави дека е подготвен војната во Украина да трае долго „со оглед на тоа што војните обично завршуваат со воен пораз или економска исцрпеност“, што, како што изјави, се сценарија што „не ги гледа на хоризонтот“.
„Се подготвувам оваа војна да трае долго. Се прават напори преку интензивни дипломатски иницијативи војната да се заврши што е можно поскоро, но тоа не може да биде по цена на капитулација на Украина бидејќи тогаш Русија едноставно би се фокусирала на некоја друга земја“, рече Мерц за германскиот јавен сервис ZDF.
Изјавите на Мерц доаѓаат еден ден пред рокот што го постави американскиот претседател Доналд Трамп за средба меѓу претседателите на Русија и Украина со цел да се отвори патот за мировни преговори, пренесува Ројтерс и потсетува дека Трамп се закани со последици ако средбата не се одржи.
Мерц: Подготвен сум војната во Украина да трае долго
