Независниот кандидат за градоначалник на Општина Струга, Менди Ќира, денеска ја претстави својата визија и приоритети за развој на општината. Тој најави дека ќе води фер и цивилизирана кампања, без навреди и лични напади кон политичките опоненти.
„Ќе зборуваме за иднината и за тоа што можеме да направиме за граѓаните, а не за минатото“, порача Ќира.
Тој апелираше управителите на јавните претпријатија и училиштата да не вршат притисок врз вработените за политички активности. „Институциите треба да се деполитизираат. Се знае кој ќе биде градоначалник од 19 октомври“, изјави независниот кандидат.
Како клучни приоритети во својата програма Ќира ги најави:
- проширување на патот Мороишта – Струга,
- изградба на подземни паркинзи,
- замена на азбестните цевки во водоводната мрежа,
- решавање на проблемот со кучињата скитници,
- подобрување на ноќното осветлување и уредување на плажите.