Американскиот претседател Доналд Трамп предложи НАТО да размисли за исклучување на една земја.
Членките на НАТО, кои САД најмногу ги финансираат, се согласија во јуни значително да ги зголемат воените трошоци – на пет проценти од бруто домашниот производ, со што го исполнија барањето на американскиот претседател Доналд Трамп европските членки да трошат повеќе за сопствена одбрана.
Сепак, шпанскиот премиер Педро Санчез изјави дека нема да се обврзе на целта од пет проценти, нарекувајќи ја некомпатибилна со социјалната држава и визијата за светот што ја има Шпанија.
На средбата во Овалната соба со лидерот на втората најнова членка на НАТО, финскиот претседател Александар Стаб, Трамп рече дека европските лидери мора да ја убедат Шпанија да ги зајакне своите обврски кон Алијансата.
„Ќе мора да почнете да разговарате со Шпанија. Мора да им се јавите и да откриете зошто попуштаат. Тие немаат изговор да не го сторат тоа, но тоа е во ред. Искрено, можеби треба да ги исфрлите од НАТО“, рече Трамп, пренесува Ројтерс.