Уште еден пациент кој беше хоспитализиран на Клиниката за анестезиологија и реанимација при Универзитетската болница во Тузла по ужасниот пожар во Домот за стари лица во Тузла, почина синоќа, 6 ноември.
Ова го соопшти Универзитетската болница во Тузла.
„Моменталниот број на хоспитализирани пациенти во Универзитетската болница во Тузла е 13. Моментално на Клиниката за анестезиологија и реанимација има тројца пациенти, од кои еден е на респиратор.
Шест пациенти се хоспитализирани на Клиниката за белодробни заболувања (1 полицаец и 5 корисници на услугите на Домот за стари лица во Тузла).
Три пациенти се хоспитализирани на Клиниката за внатрешни болести, во стабилна состојба.
Еден пациент е хоспитализиран на Клиниката за урологија, во стабилна состојба“, изјави Ерсија Ашчериќ Мујединовиќ, портпарол на Универзитетската болница во Тузла.
Со ова вкупниот број на жртви се искачи на 13.